RSS-подписка Вконтакте Вконтакте
» » Башҡорт егеттәре – спорт мастерҙары

02.03.2019 Башҡорт егеттәре – спорт мастерҙары

Көйөргәҙе районының Ҡунаҡбай ауылында тыуып үҫкән, грек-рим көрәше менән шөғөлләнеүсе игеҙәктәр Фәнис һәм Фәдис Вәлитовтар 2020 йылда үтәсәк Олимпиадаға әҙерләнә.
Халыҡта «Булыр бала – биләүҙән» тигән бик тапҡыр мәҡәл бар. Уға һалынған фекер спорт мастерҙары Фәнис һәм Фәдис Вәлитовтарҙың Күмертау ҡала хакимиәте башлығы Борис Беляев менән осрашыуында ла сағылыш тапты.


Күптәр белеүенсә, ошо егеттәр бәләкәй саҡта уҡ, саҡ ҡына буш ваҡыттары булһа, турникта шөғөлләнгән, тиҫ­терҙәре менән сиҙәмдә бил һынашҡан, йүгергән. Борис Владимировичтың хеҙмәттә, спортта, сәнғәттә юғары күр­һәткестәргә өлгәшкән кешеләр менән осрашыуы матур йолаға әйләнгән. Бындай саралар уға ошондай шәхестәрҙе яҡшыраҡ белергә, уларҙы ҡыҙыҡ­һындырған өлкәләрҙәге хәлдәргә ҡарата фекерҙәрен ишетергә, хәл ителмәгән мәсьәләләрҙе бойомға ашырыу юлдарын табырға ярҙам итә. Был сираттағы осрашыуға Көйөргәҙе районының Ҡунаҡбай ауылында тыуып үҫеп, Күмертау ҡалаһында урынлашҡан 3-сө республика башҡорт гимназияһында һәм политехник лицейҙа белем алған шәхестәр спорт мастеры сифатында килде. Фәнис менән Фәдис әйтеүенсә, ҡалала ла, ошо ике уҡыу йортонда ла спорттың күп кенә төрө буйынса шөғөлләнеү өсөн яҡшы шарттар булдырыл­ған. Егеттәр тренерҙар Әсғәт Шәрипов һәм Кәрим Ғөбәйҙуллин етәкселегендә милли һәм грек-рим көрәше менән ныҡлап шөғөлләнә, оҫталығын даими камиллаштыра. Ике тренер ҙа уларҙың спорт күнегеүҙәрен үтәгәндә ихласлығын, тырышлығын, сәмселлеген, кәрәкле талаптарҙы теүәл үтәргә ынтылыуын билдәләй. Күмертау мәктәптәрендә уҡығанда малайҙар ҡала, төбәк, республика ярыштарында әүҙем ҡатнашып, йыш ҡына призлы урындар яулай, төрлө кимәлдәге йыйылма командалар составына индерелә.

Ата-әсәһе, тренерҙар, уҡытыу­сы­ларҙың кәңәшен тотоп, малайҙарҙың теләген иҫәпкә алып, уларҙы 9-сы синыфҡа Өфө ҡалаһындағы спорт йүнәлешендәге 5-се мәктәп-интернатҡа урынлаштыра. Ошонда һәм Башҡорт дәүләт аграр университетында уҡыған йылдарҙа улар менән Рәсәйҙең грек-рим көрәше буйынса атҡаҙанған тренеры Борис Понятов көсөргәнешле шөғөл­ләнә. Борис Андреевич бер туған Вәлитовтарҙы тик маҡтап ҡына телгә ала. Республиканың баш ҡалаһында уҡыған осорҙа егеттәр төрлө ярышта ҡатнашып, күп тапҡыр уңышлы сығыш яһай. Уларҙың тик ҡайһы берҙәрен әйтеп китеү ҙә етәлер. Фәнис 2013 йылда данлыҡлы көрәшсе Карелин призына халыҡ-ара турнирҙа беренсе урын алыуға өлгәшә һәм алтын сәғәт менән бүләкләнә. Ә күптән түгел Фәдис Германияла грек-рим көрәше буйынса юниорҙар араһында уҙғарылған Европа беренселегендә бронза миҙалға лайыҡ була. Вәлитовтар көрәштең ошо төрө буйынса илдең Олимпия резервында, Рәсәй йыйылма командаһында ағза булып тора. Хәҙерге ваҡытта егеттәр 2020 йылда үткәреләсәк Олимпиадаға әҙерләнә. Әле Фәнис менән Фәдис аграр университеттың урман хужалығы факультетының магистратураһында уҡыуын дауам итә. Улар ошо уҡ уҡыу йортоноң иҡтисад факультеты дипломын алыуға ла өлгәште. Белем эстәүҙән тыш, тырыш яҡташтарым бер ойошмала эшләргә лә мөмкинлек таба. Быға тиклем донъя кимәлендә грек-рим көрәшендә яҡшы күрһәткестәргә өлгәшкәндәр араһында күберәк грузин, әзербайжан, иран, төрөк милләтле спортсылар булған. Улар араһында башҡорт спортсылары ла ныҡлап урын алһа, бик яҡшы буласаҡ. Шик юҡ, киләсәктә лә Фәнис һәм Фәдис Вәлитовтар Башҡортостан, Рәсәй командалары составында ошо изге теләкте бойомға ашырыуҙа ныҡышмалылыҡ күрһәтер, тип өмөтләнәйек.




Автор: У. Ҡәйүпов
Фото: Автор фотоһы






Оҡшаш яңылыҡтар



«Өфө»гә VAR системаһы ярҙамға килә

Бәлки, “Зенит”ҡа ла сират етер...

Олимпия уйындарына  путевка яуланылар

Линус УМАРК, “Салауат Юлаев” командаһы һөжүмсеһе: “Беҙ киләһе Гагарин  кубогын яулаясаҡбыҙ”

Синхрон йөҙөүҙә Рәсәйгә етеүсе юҡ

Рәсәй Премьер-лига  чемпионаты юлға сыға

Панарин 100 миллион  долларҙан баш тартты…

II Европа  уйындары  тамамлана

«Салауат Юлаев» клубы  пландары менән уртаҡлашты

Үҙҙәрен Бразилия уйынсылары кеүек тойҙо

«Өфө» элитала урынын һаҡлап ҡалды

Дацюк Екатеринбургҡа  юлланды

«Бронза» өсөн ҡыуанырға кәрәк

«Алтын»дан да башҡа баһа юҡ

Эштә лә, уҡыуҙа ла,  спортта ла алда баралар

Итальяндар ҙа  хоккей уйнарға өйрәнер

ЦСКА  «Гагарин»ды яуланы

ЦСКА «Гагарин»ға  бер аҙым яһаны

Улар еңелмәне…

13.04.2019 - Спорт Улар еңелмәне…


«Салауат Юлаев» сенсацияһын дауам итте

Кимәленән  сыға алманылар

Өфө боҙо тайғаҡ шул...  йәки «Автомобилист»ың шиптары шымарҙы ахыры

Милли көрәшкә – яңы һулыш

«Йәншишмә» гәзите призына