RSS-подписка facebook Вконтакте Вконтакте
» » “Тормош – ул үҙе үк көрәш”

31.08.2016 “Тормош – ул үҙе үк көрәш”

“Тормош –  ул үҙе үк көрәш”Рөстәм Һатлыҡов имгәнеүҙәр һәм ғәҙелһеҙлектәрҙән үҙенә һабаҡ ала

Һәр кемдең тормошонда яратҡан шөғөлө була. Кемдер уға тәүлегенең бер нисә минутын бүлһә, кемдер бар ғүмерен арнай. Ауырғазы районының спорт мәктәбе тренеры Рөстәм Һатлыҡов бала саҡтан яратҡан шөғөлөн үҙенә һөнәр итеп һайлаған. Ике йыл элек ул тыуған яғында хеҙмәт юлын башлаған һәм балаларҙы милли һәм билбау көрәше серҙәренә өйрәтә. Был спорт төрҙәре буйынса ул күп тапҡыр район һәм республика ярыштарында чемпион исемен яулай, Рәсәй кимәлендә лә сығыш яһап, призлы урындар алған. Уларҙы һанап бөтөрөрлөк түгел, сөнки Рөстәм ағымдағы йылда ғына төрлө бәйгеләрҙә биш тапҡыр – 1-се, дүрт тапҡыр – 2-се, өс тапҡыр 3-сө урын яулаған.

Ул тәүге тапҡыр көрәш майҙанын ағаларына эйәреп спорт залына килгәнендә күрә. Рөстәмгә ул саҡта ни бары биш кенә йәш була. Шул көндән малайға спорт ене ҡағыла ла инде. Көн һайын күнекмәләр, төрлө ярыштар, тренеры Илдус Йәғәфәр улы Нәҙершин менән дуҫтарса аралашыу... Һәм, әлбиттә, төрлө ярыштар ваҡытында уға имгәнеүҙәр алырға ла, ғәҙелһеҙлектәргә осрарға ла тура килә. Әммә күңелен һис кенә лә төшөрмәй.
– Йәрәхәттәр миңә киләсәктә дөрөҫ көрәшер өсөн һабаҡ ҡына. Артабан ул хаталарҙы ҡабатламаҫҡа тырышаһың, күнекмәләр мәлендә бығаса иғтибар итмәгән алымдарға яңыса ҡарай башлайһың, – тине Рөстәм, улар хаҡында һүҙ ҡуҙғат­ҡас. – Ә ғәҙелһеҙлектәргә килгәндә, мин бит дан-шөһрәт өсөн көрәшкә килмәнем. Кемгәлер ул мөһим икән, рәхим итһендәр, әммә ундай еңеүҙең тәме әсе, ә даны көлкөлө буласаҡ бит. Тик һуңғы йылдарҙа йыш осраған бындай күренештәр милли спорт төрөнөң бәҫен төшөрә. Ә минең өсөн көрәш – ярат­ҡан шөғөл, һөнәрем, күңел талабы һәм сәләмәтлек өсөн файҙалы күнекмә. Ғәҙеллек кешенең күңелендә булыр­ға тейеш. Ярыш майҙанына сыҡҡан һайын дәғүәсемә ҡарата ихтирамлы, иғтибарлы булырға, уны осраҡлы рәүештә лә имгәтмәҫкә тырышам.
Рөстәм Урал дәүләт физик культура университетының Стәрле­тамаҡ институтын тамамлап, әрме хеҙмәтен үтергә лә өлгөргән. Спорттан тыш, дин тәғлимәттәрен өйрәнә, мәсеткә йөрөй, вәғәздәр тыңлай. Үҙенең тәртиплелеге, сәләмәт тормош алып барыуы менән өлгө булған йәш уҡытыусыға ата-әсәләр балаларын теләп йөрөтә. Һәр дәресенә егермеләп бала килә. Спорт мәктәбендә ике йыл ғына эшләүенә ҡарамаҫтан, йәш тренер­ҙың тәрбиәләнеүселәре район ярыштарында призлы урындар яулай башлаған да инде. Уның эшенең һөҙөмтәһен күргән Ауырғазы күп профилле колледжы етәкселеге Рөстәмгә үҙҙәренең уҡыу йортонда ла эш тәҡдим итә. Хәҙер ул студенттарға физкультура дәрестәрен дә үткәрә. Өлгөр егет үҙенә күрһәтелгән ышанысты аҡларға тырышып, ваҡытын һәм көс-ғәйрәтен йәлләмәй эшләй, тәжрибә туплай.
Рөстәм көрәшселәре менән дан тотҡан Мораҙым ауылында тыуып үҫкән, атаһы Филүс ағай ҙа йәш сағында һабантуй батыры булараҡ дан яулаған. Таһыллыҡ, көрәшкә, спортҡа һөйөү уның ҡанында бар, тип әйтһәк тә, хата булмаҫ.
– Һәр кешегә, айырыуса ир-егеттәргә спорт иң тәүҙә үҙ-үҙеңдә ныҡышмалылыҡ, сәм, рух тәрбиәләү өсөн кәрәк. Тормош бит ул үҙе үк көрәш, төрлө һынауҙары менән кешенең ныҡлығын, көс-дарманын да һынап ҡына тора. Миңә һәр ваҡыт сыныҡҡан характерым ярҙам­ға килә. Ошондай уҡ ныҡышмалылыҡты, ярыш сәмен, һынмаҫ рухты үҙ уҡыусыларымда ла тәрбиәләгем килә, – ти Рөстәм Филүс улы.
Күп осраҡта ауырлыҡтар ғына түгел, ә еңеүҙәр ҙә, матур тормош та үҙенә күрә һабаҡ булып тора. Еңеүҙәренә маһаймаған, ололарға кеселекле, уҡыусыларына иғтибарлы булған йәш егет, ысынлап та, күптәргә өлгө булырлыҡ.

Гөлнур ЮЛДАШЕВА.







Комментарий өҫтәргә


    • bowtiesmilelaughingblushsmileyrelaxedsmirk
      heart_eyeskissing_heartkissing_closed_eyesflushedrelievedsatisfiedgrin
      winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
      worriedfrowninganguishedopen_mouthgrimacingconfusedhushed
      expressionlessunamusedsweat_smilesweatdisappointed_relievedwearypensive
      disappointedconfoundedfearfulcold_sweatperseverecrysob
      joyastonishedscreamtired_faceangryragetriumph
      sleepyyummasksunglassesdizzy_faceimpsmiling_imp
      neutral_faceno_mouthinnocent


Оҡшаш яңылыҡтар



«Өфө»гә VAR системаһы ярҙамға килә

Бәлки, “Зенит”ҡа ла сират етер...

Олимпия уйындарына  путевка яуланылар

Линус УМАРК, “Салауат Юлаев” командаһы һөжүмсеһе: “Беҙ киләһе Гагарин  кубогын яулаясаҡбыҙ”

Синхрон йөҙөүҙә Рәсәйгә етеүсе юҡ

Рәсәй Премьер-лига  чемпионаты юлға сыға

Панарин 100 миллион  долларҙан баш тартты…

II Европа  уйындары  тамамлана

«Салауат Юлаев» клубы  пландары менән уртаҡлашты

Үҙҙәрен Бразилия уйынсылары кеүек тойҙо

«Өфө» элитала урынын һаҡлап ҡалды

Дацюк Екатеринбургҡа  юлланды

«Бронза» өсөн ҡыуанырға кәрәк

«Алтын»дан да башҡа баһа юҡ

Эштә лә, уҡыуҙа ла,  спортта ла алда баралар

Итальяндар ҙа  хоккей уйнарға өйрәнер

ЦСКА  «Гагарин»ды яуланы

ЦСКА «Гагарин»ға  бер аҙым яһаны

Улар еңелмәне…

13.04.2019 - Спорт Улар еңелмәне…


«Салауат Юлаев» сенсацияһын дауам итте

Кимәленән  сыға алманылар

Өфө боҙо тайғаҡ шул...  йәки «Автомобилист»ың шиптары шымарҙы ахыры

Милли көрәшкә – яңы һулыш

«Йәншишмә» гәзите призына