«Йәшлек» гәзите » Сәйәсәт » Владимир Путин ошо быуаттағы төп ҡоралыбыҙҙы атаны



18.05.2019 Владимир Путин ошо быуаттағы төп ҡоралыбыҙҙы атаны

Аҙна дауамында оборона темаһына күп сара үтте. Президент Владимир Путин хәрби ҡоралдарыбыҙҙы тикшерҙе. Сочиҙағы кәңәшмәлә алдағы йылға ғына түгел, ә бөтә быуат дауамына маҡсат ҡуйыу тураһында белдерҙе.

"Рәсәй Армияһы һәм флотының хәрби потенциалын ошо быуат буйына тиерлек хәрби лазер комплекстары тәшкил итәсәк. Ундайҙар беҙҙә бар", - тине Рәсәй етәксеһе.

Владимир Владимирович лазер ҡоралды үҫтереү проекттарының бик мөһим икәнен ҡабат-ҡабат телгә алды.

Әле ҡасан ғына беҙ лазер-фәләнде фантастика тип һанай торғайныҡ. Хәҙер ул Рәсәй оборона комплексында урын алды.

"Пересвет" (һүрәттә) тураһында ишеткәнһегеҙҙер? Ҡарап тороуға ябай ғына техника һымаҡ. Асылында ғәләмәт ҡеүәтле ҡорал. Ә "Кинжал" гипертауышлы комплексы, ә?!

Һуңғы ваҡытта аңланыҡ: алда беҙҙе лазер һәм гипертауышлы ҡоралдарыбыҙҙың парады көтә. Булыр. Шаңҡыһын әле дуҫ түгелдәр, һеңгәҙәһен, төн йоҡоһо ҡасһын. Ә беҙҙе был ҡоралдар һаҡлай...





Автор: Алһыу ИШЕМҒОЛОВА.
Фото: pixabay.com


Сайтҡa күcергәБаҫып cығарырға