15.10.2014 Башҡорт каратэсылары еңеүе

Тольятти ҡалаһында традицион каратэ-до фудокан буйынса Рәсәйҙең Асыҡ кубогына ярыштар уҙҙы. Унда илебеҙ төбәктәренән, Төркмәнстандан һәм Израилдән 350 спортсы ҡатнашты. 4-5 йәштән алып 40 йәш һәм унан өлкәнерәк ветерандар ҙа көс һынашты.

Башҡортостан командаһына 60-тан ашыу спортсы тупланды. Улар барлыҡ тиерлек район-ҡалаларҙан (Өфө, Ишембай, Дүртөйлө, Баймаҡ, Салауат), юғары уҡыу йорттары ӨДАТУ-нан һәм ӨДНТУ-нан ине.

Өфө дәүләт нефть-техник университеты студенты А.Устюжанин (өсөнсө дан, БЧС-12-01) – ката, кобудо ката, командалы катала өс алтын миҙалға лайыҡ булды. К. Устюжанин (беренсе дан, БУС-11-01) – кобудо катала дүртенсе урын, Э.Әминев (беренсе дан, БГР-14-01) фугукола икенсе, катала дүртенсе урын алды.