15.09.2014 Баймаҡта - яңы балалар баҡсаһы!

12 сентябрҙә Баймаҡ ҡалаһында “Толпар” исемле балалар баҡсаһы асылды. Тантанала БР Хөкүмәте Аппараты етәксеһе урынбаҫары М.Фәтхуллин, БР Хөкүмәте Аппараттының бүлек мөдире урынбаҫары А.Пензин ҡатнашты.
Бина ултырған ер баймаҡтарға яҡшы таныш. Элек бында баҙар була торғайны. 2002 йылдан бирле буш торған урында “Баймаҡ ПМК-һы” йәмғиәте тиҙ арала 150 балаға иҫәпләгән һәм заманса йыһазландырған бинаны төҙөгән.