08.09.2014 Ситтәге башҡорттар, ниһайәт, “Юлдаш”ты тыңлай аласаҡ

8-11 сентябрҙә, ниһайәт, үҙебеҙҙең милләттәштәр йәшәгән Силәбе, Ҡурған һәм Ырымбур өлкәләрендә «Юлдаш» радиостанцияһы үҙенең тапшырыуҙарын тәҡдим итә аласаҡ.
Тапшырғыстар 8 сентябрҙә Силәбе өлкәһенең Арғаяш районында , 9 сентябрҙә - Ҡурған өлкәһенең Әлмән һәм Сафакүл райондарында, 11 сентябрҙә – Ырымбур өлкәһенең Ҡыуандыҡ районында ҡабыҙыласаҡ. Тиҙҙән Һамар өлкәһе, Пермь крайы башҡорттары ла “Юлдаш” радиоһы тапшырыуҙарын тыңлап ҡыуанасаҡ.