03.09.2014 Еңеү паркында тыл хеҙмәтсәндәренә арналған һәйкәл буласаҡ

Баш ҡаланың Еңеү паркында тыл хеҙмәтсәндәренә арналған һәйкәл ҡороласаҡ. Ул Бөйөк Еңеүҙең 70 йыллығына ҡарай асыласаҡ. Әлеге ваҡытта ӨДНТУ студенттары Орджоникидзе районы ветерандары менән проект өҫтөндә эшләй. Парк биләмәһенә тап килерлек итеп 18 эскиз әҙерләнгән.
Бынан тыш, Өфөлә тиҙҙән Зәйнәб Бейешеваға, 1812 йылғы Ватан һуғышында ҡатнашыусыларға һәм фронтҡа китеүселәргә арналған һәйкәлдәр ҙә ҡуйыласаҡ.