10.04.2014 Баймаҡ радиоһы яңы йырсылар эҙләй

“Юлдаш” мәғлүмәт һәм йыр-моң каналының Баймаҡ радио студияһы һәүәҫкәр йырсылар араһында “Юлдаш йыры – 2014” конкурсын иғлан итә. Һайлап алыуҙың беренсе турында өс йыр яҙылған компакт-диск алып килергә кәрәк. Өҫтәүенә ҡатнашыусы халыҡ йырынан тыш башҡарылған йырҙың авторы, композиторы тураһында мәғлүмәт әҙерләнергә тейеш. Ғаризалар Баймаҡ ҡалаһы, С.Юлаев проспекты, 44 адресы буйынса Баймаҡ телевидениеһы студияһында ҡабул ителә. Белешмә өсөн телефон – 3-15-25, ҡаланың коды - 834751