09.12.2013 «Барыҫ»тың сираттағы уңышы

Баймаҡ ҡалаһында бына нисә йылдар уңышлы эшләгән “Барыҫ” көнсығыш көрәштәре клубы спортсылары республика, Рәсәй һәм бөтә донъя кимәлендә үткән ярыштарҙа чемпион титулын яулай. Клуб етәксеһе Резван Гаджиев етәкселегендә унда Ҡытайҙың боронғо хәрби сәнғәте ушу (кунг-фу) көрәшенең ике төрө – ушу-таолу һәм ушу-саньда (саньшоу) буйынса дәрестәр үткәрелә. Бында шулай уҡ тай боксы – муай-тай буйынса ла күнекмәләр алырға мөмкин.
Яңыраҡ Өфөлә Башҡортостан Республикаһының ушу-саньда буйынса асыҡ кубогына ярыштар үткәрелде. Унда “Барыҫ”тан ун спортсы ҡатнашып ете – беренсе, ике – икенсе, бер – өсөнсө урын алды.