07.11.2013 Бетховендың бишенсе симфонияһын тыңлағығыҙ килһә
Иртәгә БР Милли симфоник оркестры Өфө дәүләт сәнғәт училищеһының концерт залында бөйөк композитор Л.Бетховендың әҫәрҙәре менән сығыш яһай. Фортепианола Башҡортостандың атҡаҙанған сәнғәт эшмәкәре, халыҡ-ара конкурстар лауреаты Рөстәм Шәйхетдинов, дирижеры – оркестрҙың художество етәксеһе һәм баш дирижеры Рөстәм Сөләймәнов.
Программала яңғыраясаҡ Бетховендың бишенсе симфонияһы донья мәҙәниәтендә һәм классик музыка өлкәһендә ҡабатланмаҫ урын биләй.