01.11.2013 “Һеҙҙең өсөн уйнайбыҙ!”

12 ноябрҙә киске сәғәт 7-лә Х.Әхмәтов исемендәге Башҡорт дәүләт филармонияһының Орган залында “Һеҙҙең өсөн уйнайбыҙ!” исемле программа менән БР-ҙың Милли симфоник оркестры сығыш яһаясаҡ. Ижади коллективтың дирижерҙары - БР-ҙың атҡаҙанған мәҙәниәт хеҙмәткәре Рөстәм Әхмәтйәнов менән илебеҙ һәм халыҡ-ара конкурстары лауреаты Линар Дәүләтбаев. Концерт программаһында сит ил, рус һәм башҡорт композиторҙарының әҫәрҙәре яңғыраясаҡ.