01.11.2013 Бөйөк рәссамдарҙың билдәһеҙ эштәре

Әхмәт Лотфуллин, Александр Пантелеев, Тамара Нечаева, Александр Бурзянцев – халҡыбыҙҙың данлыҡлы рәссамдарының әлегәсә билдәле булмаған ижад емештәренән торған күргәҙмә баш ҡаланың 2-се һынлы сәнғәт мәктәбендә асылды.
Тамашасылар бында кеше, тәбиғәт күренештәре, тарих һынландырылған өс тиҫтәнән ашыу картинаны ҡарай ала. Улар республиканың бар мөйөштәренән йыйып алынған.