01.10.2013 Төрөксә “Евровидение”ла ҡатнашырға теләгәндәр өсөн

«Ҡурай» телеканалы төрөксә “Евровидение”ла - “Турквижн”да ҡатнашырға теләүселәр өсөн һайлап алыу туры башланыуын иғлан итте. Кастинг 16 ноябрҙә “Өфө уттары” күңел асыу комплексында үтәсәк.
Был мәртәбәле конкурс төрки телле башҡарыусылар араһында 21 декабрҙә Төркиәнең Эскишехир ҡалаһында үтәсәк. Рәсәйҙе унда ике республика – Башҡортостан һәм Татарстан вәкилдәре күрһәтәсәк.
Йырсылар «Ҡурай» телеканалына мөрәжәғәт итә ала.