30.09.2013 Романс башҡарыусылар араһында гран-при яулаған

21 - 29 сентябрҙә Владимир ҡалаһында үткән романс башҡарыусыларҙың VII Бөтә Рәсәй асыҡ конкурсында Х.Әхмәтов исемендәге Башҡорт дәүләт филармонияһы солисы, Рәсәй һәм республика кимәлендәге конкурстар лауреаты Руслан Сәйфетдинов “Ҡала романсы” номинацияһында гран-при яуланы. Ул илебеҙҙең 60-тан ашыу төбәгенән килгән башҡарыусылар араһынан оло еңеүгә лайыҡ булды. Еңеүсене ҡотлайбыҙ!