05.09.2013 Уҡытыусыларҙы ҡотларға онотмағыҙ

Республика почта бүлексәләрендә «Минең уҡытыусым» исемле ғәҙәти булмаған акция иғлан ителде. Уның барышында уҡыусылар һәм ата-әсәләр открыткалар һатып алып, илебеҙҙең уҡытыусыларына үҙҙәренең ҡотлауҙарын, теләктәрен еткерә ала. Адресһыҙ почта карточкалары артабан мәктәптәргә бушлай таратыласаҡ. Элемтә операторҙары открыткаларҙы педагогтарҙың һөнәри байрамына тиклем ҡабул итәсәк.