01.08.2013 Ҡанаты һынған ҡәлмәргән табылған

Ошо көндәрҙә «Бишбүләк» зоология заказнигында БР Айырыуса һаҡланған тәбиғәт биләмәләре дирекцияһы хеҙмәткәрҙәре яраланған йыртҡыс ҡошто табып ала.
Ҡарсыға ғаиләһенә ҡараған һәм бик һирәк осраған ҡәлмәргәндең (балыҡсы ҡарсыға) ҡанаты һынған һәм ул оса алмаған. Уны Бишбүләк заказнигы егере үҙендә көтөргә алып ҡайтҡан. Ҡош һауығыу менән кире иреккә ебәреләсәк.