23.07.2013 Биш алтын сылбырҙы өҙөп алып ҡасҡан

Үткән аҙнала Салауат ҡалаһында бер-береһенә ныҡ оҡшаған талау осраҡтары булған. Енәйәтсе ҡулына сумка-пакет тотҡан ҡатын-ҡыҙҙың муйындарынан алтын сылбырҙарҙы өҙөп алып ҡасҡан.
Полиция хеҙмәткәрҙәре ғәйепләнеүсене - ҡалала урынлашҡан һөнәрселек лицейҙарының берәүһендә уҡыусы 17 йәшлек егетте тиҙ арала ҡулға алған. Ул биш талау осрағы буйынса ғәйепләнә.