24.06.2013 Себер тарафтарында - башҡорт киноһы фестивале

26 июндә Төмән ҡалаһының «Ангажемент» Йәштәр театры базаһында «Башҡортостан» киностудияһы, Башҡортостан Республикаһының Силәбе өлкәһендәге вәкиллеге тарафынан ойошторолған башҡорт киноһы фестивале үтә. Бындай сара Ҡурған һәм Силәбе өлкәләрендә үтте лә инде.
Фестивалдең маҡсаты - төбәктәр араһындағы бәйләнеште нығытыу, башҡорт кино сәнғәтен танытыу. Төмән халҡы Айсыуаҡ Йомағоловтың «Ел аулаусы» һәм Айнур Асҡаровтың «Еңмеш» картиналарын ҡарай аласаҡ.