22.05.2013 Экология киноһы фестивале үтәсәк

Июнь баштарында Өфөлә «ЭкоСынаяҡ» халыҡ – ара экология киноһы фестивале үтәсәк. Унда тамашасыға тирә - яҡ мөхитте һаҡлау темаһына төшөрөлгән фильмдар тәҡдим ителәсәк.
Бындай сара тәүге тапҡыр 2010 йылда Мәскәүҙә уҙғарылды. Быйылғыһы иһә Рәсәй, Украина, Ҡаҙағстан ҡалаларында үтәсәк. Мәғлүмәт алыу өсөн иң яҡшыһы – документаль фильмдар. Кино сәнғәте экология проблемаларын күрһәтеп кенә ҡалмай, шул уҡ ваҡытта уларҙы хәл итеү юлдарын, киләсәккә пландар төҙөүгә ҙур этәргес көс бирә. Тап ошолар фестивалдең төп идеяһын күрһәтә.