17.05.2013 Йәкшәмбелә - сираттағы «Дармарка»

18 майҙа Өфөлә сираттағы «Дармарка» йәрминкәһе үтәсәк. Унда ҡатнашыусылар үҙҙәре менән яҡшы торошло төрлө әйберҙәрен алып килеп, уларҙы үҙҙәренә кәрәкле икенсе нәмәгә алыштырыша ала. Шулай уҡ был сарала берәй һөнәр эйәһенең ҡул эштәре буйынса оҫталыҡ дәрестәрен ҡарарға мөмкин. «Дармарка» мәлендә ҡулланылышта булған батарейкаларҙы йыйыу акцияһы үтәсәк.
Сара Б.Шәфиев урамы, 6 адресы буйынса «ЭКА» хәрәкәте китапханаһында, сәғәт 12-нән киске 6-ға тиклем дауам итәсәк.