14.05.2013 Хәүефле бөжәктәр уңышҡа янай

Миәкә районы халҡы бығаса билдәле булмаған бөжәктәрҙең һөжүменә дусар булды. Әле уның ҡарышлауыҡтары үләнде ашай. Баҡсасылар уларҙың тиҙҙән картуф һәм башҡа йәшелсәләргә күсеүе бар тип хәүефләнә. Химик эшкәртеү һөҙөмтә бирмәй, ҡарышлауыҡтар төнгә ер аҫтына инә, таң менән кире сыға. Бөжәктәр насар еҫ бүлеп сығара.
Әйтергә кәрәк, миәкәләр һәм башҡа райондарҙың халҡы ағастарҙы һәм баҫыуҙарға эйәләшкән бик күп себен күргән. Әле бындай бөжәктәр Әбйәлил районында ла теркәлгән.