27.03.2013 Сирена тауышын ишетелһә - ҡурҡмағыҙ

Рәсәйҙең Ғәҙәттән тыш хәлдәр министрлығының Башҡортостан Республикаһы буйынса Баш идаралығынан белдереүҙәренсә 28 мартта үҙәкләштерелгән хәбәр итеүҙең төбәк системаһына техник тикшереү уҙғарыласаҡ. Бөтә ерҙә лә электросиреналар аша «Барығыҙға ла иғтибар!» сигналы биреләсәк. Радио һәм телевидение каналдарында «Иғтибар! Хөрмәтле Башҡортостан Республикаһы халҡы һәм ҡунаҡтар. Хәбәр итеү системаһына техник тикшереү үткәрелә! Хәбәр итеү системаһына техник тикшереү үткәрелә! Тәртип һәм тыныслыҡ һаҡлап ҡалыуығыҙ һорала» тигән иғлан тапшырыласаҡ.