31.10.2019 Башҡортостан журналистары милли проекттарҙың ғәмәлгә ашырылыуын яҡтыртыу буйынса алдынғылар рәтендә

"Медиология" компанияһы сентябрь йомғаҡтарын тикшереп, милли проекттарҙы иң шәп яҡтыртыусы төбәктәрҙең исемлеген төҙөнө.

Беҙҙең республика рейтингта - өсөнсө урында. Был - беҙҙең киң мәғлүмәт сараларының тырышлығы.
Исемлектә иң тәүге булып Мәскәү тора. Икенсе урында - Краснодар крайы. Башҡортостан, әйткәнебеҙсә, өсөнсө.

Милли проекттарҙы ғәмәлгә ашырыу эштәрен тырышып күрһәтеүсе ун төбәк араһында түбәндәгеләр: Приморье крайы, Түбәнге Новгород өлкәһе, Санкт-Петербург, Төмән өлкәһе, Татарстан, Мәскәү һәм Свердловск өлкәләре.

Ҡәҙерле ҡәләмдәштәр, коллегалар (журналистарға өндәшәбеҙ), ышанабыҙ, октябрҙә лә артта ҡалмағанбыҙҙыр. Артабан да көн тимәй, төн тимәй тырышайыҡ, позицияны юғалтырға ярамай.