«Йәшлек» гәзите » Яңылыҡтар таҫмаһы » Эшҡыуар Филин ишейҙәрҙе һыйлаған



29.09.2019 Эшҡыуар Филин ишейҙәрҙе һыйлаған

Эшҡыуар Филин ишейҙәрҙе һыйлағанЛилиә Мусина хәбәр итә:

Беҙҙең Ишей Баймаҡ районының иң төпкөлдә урынлашҡан ауылдарының береһе булып тора. Шәхси эшҡыуар Анатолий Филин ошо башҡорт ауылына бар көсөн һалып йән өрҙөрөп, һәр яҡтан ярҙам итеп торорға атлығып тора.

Әле яңы уҡыу йылы башланыу уңайынан мәктәпкә "текә" телевизор бүләк итеп ҡыуандырһа, бөгөн инде ауылдаштарға бушлай арбуз һәм ҡауын тарата.

Ошо көндәрҙә Анатолий Александрович Тоҙ-Илек баҫыуҙарынан 7 тонна йылы яҡ емеше килтереп, ҡарбуз байрамы ойошторҙо. Йәше лә, ҡарты ла ихлас шатланып, тәмлекәстәрҙе таратыу урыны клубҡа ағылды.

Хөрмәтле Анатолий Александровичҡа ошондай изге эше, киң күңеллелеге өсөн ҙур рәхмәтебеҙҙе белдерәбеҙ. Изгелектәрегеҙ үҙегеҙҙә меңләтә сауап булып ҡайтһын!



Автор: Айбулат ИШНАЗАРОВ
Фото: vk.com



Сайтҡa күcергәБаҫып cығарырға