25.09.2019 Ужым 380 мең гектарҙа сәселгән

БР Ауыл хужалығы министрлығы хәбәр итеүенсә, 23 сентябргә ҡарата республикала 386,1 мең гектар майҙанда ужым культуралары сәселгән.

Әлегә баҫыуҙарҙың структураһы ошолай нисбәттә:
- ужым арышы - 179,4 мең гектар,
- ужым бойҙайы - 189,3 мең га,
- тритикале – 9 мең га,
- башҡа культуралар - 8,4 мең га.

Дәүләкән, Көйөргәҙе, Стәрлебаш, Ауырғазы, Илеш, Саҡмағош райондары ужым буйынса үҙҙәренең пландарын тулыһынса үтәгән. Ейәнсура, Шишмә, Ҡырмыҫҡалы аграрийҙары ла көҙгө сәсеүҙе тамамларға тора.