23.09.2019 Яңы йылдан дәүләт хеҙмәткәрҙәрен ҡыҫҡартасаҡтар
2020 йылдан дәүләт хеҙмәткәрҙәренең “әрме”һен ҡыҫҡартып, ҡалғандарға эш хаҡын арттырыу өсөн дәүләт идараһы өлкәһендә реформа башланасаҡ.
Рәсәй Финанс министрының урынбаҫары Татьяна Нестеренко һүҙҙәренә ҡарағанда, түрәләрҙең хеҙмәт хаҡы инфляция кимәлендә генә индексацияланасаҡ. Сөнки барлыҡ дәүләт хеҙмәткәрҙәренең эш хаҡы күләмен көнәркәшлек кимәленә еткереү өсөн йыл һайын 100 миллиард аҡса талап ителә.
Дәүләт хеҙмәткәрҙәрен ҡыҫҡартып, экономияланған аҡса гражданлыҡ хеҙмәткәрҙәрең эш хаҡын арттырыуға тотоноласаҡ. Реформа ике этапта барасаҡ: тәүҙә дәүләт хеҙмәткәрҙәрен ҡыҫҡартыу, артабан дәүләт аппараты структураһын камиллаштырыу.