17.09.2019 Ужым сәсеү башланды

Республика ауыл эшсәндәре киләһе йыл уңышына нигеҙ һалалар - ужым культураларын сәсәләр. 16 сентябргә ҡарата 361,1 мең гектар эшкәртелгән, был пландың 66 проценты тигән һүҙ.

Дәүләкән, Көйөргәҙе, Саҡмағош райондары көҙгө сәсеүҙе тамамланы. Илеш, Стәрлебаш, Ауырғазы игенселәре иһә эште тамамлау өҫтөндә.

Ужым культуралары структураһында төп өлөштө арыш тәшкил итә - 174,6 мең гектар, уны сәсеү тамамланған. Әлеге ваҡытта баҫыу эшсәндәре 171,3 мең га майҙанда ужым бойҙайы сәсә.