12.09.2019 «Уфимец» икенсегә өмөт итә

Баш ҡалабыҙҙың «Уфимец» баскетбол командаһы Ижевскиҙа миҙгел алды турнирында ҡатнашып, тәүге еңеү яуланы.
Улар яңы баш тренер Дмитрий Иванов етәкселегендә, турнирҙың беренсе осрашыуында «Купол-Родник» клубын 73:72 иҫәбенә отто.
Былтыр беҙҙең команда Ижевскиҙа ошо уҡ «Купол» заводы уҙғарған бәйгелә еңеүсе булғайны. Улар бер осрашыуҙа, йәғни Екатеринбургтың «Уралмаш» баскетболсыларына ғына 74:73 иҫәбенә отолдо. Бөгөн улар үҙ-ара уйнаясаҡ.
Өфөнөң «Уфимец» ир-ат баскетбол командаһы 2012 йылда барлыҡҡа килеп, Рәсәй чемпионатының суперлига-2 дивизионында сығыш яһай.