17.07.2019 Ҡартайырға бер ҙә ашыҡмағыҙ...

Һуңғы ваҡытта социаль селтәрҙәрҙә #faceapp флешмобы киң популярлыҡ яуланы.

Wireless Lab компанияһы 2017 йылда уҡ FaceApp ҡушымтаһын ҡулланыуға индерҙе. Уның менән ҡулланыусыларҙың фотоларын эшкәртеп, 20-50 йылға ҡартайытып, хатта енесен үҙгәртеп ҡарарға була. Ҡушымта ике йыл элек эшләй башлаһа ла, быйылғы йәйҙә генә популярлыҡ яуланы, хатта флешмобҡа әүерелде. Сит ил, Рәсәй йондоҙҙары менән бер рәттән Башҡортостан артистарының да ҡарт сырайлы фотолары интернет киңлектәре буйлап таралды.