16.07.2019 Урал Килсенбаев БР Башлығы Хакимиәте етәксеһе урынбаҫары ителде

Башҡортостан Республикаһы Башлығы Хакимиәте етәксеһенең эске сәйәсәт буйынса урынбаҫары итеп Урал Килсенбаев тәғәйенләнде. Бының туралағы ҡарарға БР Башлығы вазифаһын ваҡытлыса башҡарыусы Радий Хәбиров ҡул ҡуйҙы.

Белешмә.
Урал Таһир улы Килсенбаев 1982 йылдың 1 июлендә Күгәрсен районының 2-се Юлдыбай ауылында тыуған. Башҡорт дәүләт университетын, Башҡортостан Республикаһы Башлығы ҡарамағындағы Башҡортостан дәүләт хеҙмәте һәм идара итеү академияһын тамамлаған.

2004 йылдан БР Йәштәр сәйәсәте буйынса дәүләт комитетында әйҙәүсе белгес булараҡ эш башлаған.
2007–2009 йылдарҙа – БР Йәштәр сәйәсәте буйынса дәүләт комитетының бүлек начальнигы.
2009–2011 йылдарҙа – Башҡортостандың Йәштәр сәйәсәте һәм спорт министрлығының бүлек начальнигы.
2011–2012 йылдарҙа – БР Төҙөлөш һәм архитектура буйынса дәүләт комитетының бүлек начальнигы.
2012–2015 йылдарҙа – Өфө ҡалаһы ҡала округының Йәштәр сәйәсәте буйынса комитеты рәйесе.
2015–2018 йылдарҙа – Өфө ҡалаһы ҡала округының Совет районы хакимиәте башлығы.
2018–2019 йылдарҙа – Башҡортостан Башлығы Хакимиәтенең Ижтимағи-сәйәси үҫеш идаралығы начальнигы.