19.06.2019 Мария Шарапова кортҡа ҡайтты

Донъяның билдәле тенниссыһы Мария Шарапова ярты йылдан һуң, ниһайәт яратҡан шөғөлөнә ҡайтты.
Ул йыл башында Санкт-Петербургта уҙған бәйгелә йәрәхәт алып, турнирҙан баш тартҡайны. Һәм бына хәҙер һауығып, Испаниялағы бәйгелә старт алды, һәм беренсе әйләнештә дәғүәсеһен отто. Киләһе дәғүәсеһе булып Германияның билдәле спортсыһы Ангелик Кербер буласаҡ.