29.03.2019 Яңы почта маркаһы сыҡты
Рәсәйҙә Өфө һәм Башҡортостан гербтары төшөрөлгән маркалар почта әйләнешенә сыҡты.
Марка почта блогына һыҙыҡ эсендә урынлаштырылған. Ул «Рәсәй Федерацияһы субъекттарының һәм ҡалаларының гербтары» серияһы сиктәрендә махсус почта штемпеле һәм конверт менән бер үк ваҡытта сығарылған. Почта маркаһында – Өфө ҡалаһы гербы, почта блогы һыҙығында Башҡортостан гербы һәм Рәсәй картаһы төшөрөлгән.
Марка 28 мартта Өфө почтамты ҡарамағындағы элемтә бүлексәһендә әйләнешкә сыҡты.
Почта блогының тиражы – 30 мең дана.