25.07.2018 Бөрйән районының ете ауылына газ үткәрәләр

"Зәңгәр яғыулыҡ" үткәргесе район үҙәге Иҫке Собханғолдо Мәндәғол, Әтек, Кейекбай, Ғәбделгәрәй, Ҡотан, Ырғыҙлы ауылдары менән тоташтырырға тейеш. Был эште «Газпром»дың берҙәм заказсыһы – «Газпром инвестгазификация» компанияһы атҡарырға ниәтләй.

Торбаны «Башҡортостан» милли паркы һәм «Алтын Солоҡ» ҡурсаулығы биләмәләре буйлап һалыу ҙа ҡаралған. Ошо сәбәпле бер айҙан, 24 августа Иҫке Собханғол ауылы хакимиәтендә проекттың тирә-яҡ мөхиткә тәьҫире буйынса фекер алышыуҙар үтәсәк.