02.02.2018 Өфөлә Ирекмән йылы байрам концерты менән асыла

Иртәгә, 3 февралдә, Өфөләге Спорт һарайы алдында Рәсәй Президенты Владимир Путиндың указы менән раҫланған Ирекмән йылын асыу тантанаһы була.

Сараны ойоштороуҙа Тимур Ғәҙелшин етәкселегендә ирекмәндәрҙең инициатива төркөмө сығыш яһаны. Байрамда «Карауанһарай», «Арғымаҡ», «Light Again» төркөмдәренең, төрлө музыка ҡоралдарында уйнаған Zainetdin, Екатерина Ямщикова, Фирүзә Париждың сығыш яһаясаҡ. Тамашасыларҙы ҡиммәтле приздар һәм бүләктәр уйнатыу көтә.

Байрам сараһы Р. Зорге урамы, 41 адресы буйынса, спорт һарайы алдында көндөҙгө 12-лә башлана.