31.10.2017 Әбйәлил егете Илсур Сөләймәновтан яңы видео: Манчестер университетына нисек уҡырға инергә?

Блогер Илсур Сөләймәнов үҙенең башҡорт телендәге YouTube каналына икенсе видео яҙмаһы урынлаштырған. Темаһы — «Өфөнән Манчестерға, йәки магистратураға нисек уҡырға инергә». Унда Илсур практик кәңәштәр бирә, Манчестер университеты миҫалында Рәсәйҙә һәм Европала белем алыуҙың айырмаһы хаҡында һөйләй.

Илсур ни өсөн Манчестер университетын һайлаған? Бында 1954 йылда танылған башҡорт ғалимы һәм төркиәтсеһе Әхмәтзәки Вәлиди почетлы доктор дәрәжәһен алған.