19.10.2017 Башҡортостандың төньяҡ географик нөктәһендә сик бағанаһын ҡуйҙылар

Яңауыл районының Байсар ауылы янында республиканың иң төньяҡ географик нөктәһен күрһәткән иҫтәлекле стела асылды.
Таш бағанала Рус география йәмғиәтенең эмблемаһы аҫтында ҡуйылған гранит таҡта ошонда республиканың иң төньяҡ нөктәһе урынлашҡанын белдерә. Бында координаталар ҙа бар, тимәк кешеләр бер ниндәй навигаторһыҙ үҙенең торған урынын билдәләй ала: төньяҡ киңлектә 56 градус 31 минут һәм көньяҡ оҙонлоҡта 54 градус 31 минут. Иҫтәлекле билдәне Яңауылдан инженер-төҙөүсе Илһам Әхмәҙиев эшләгән.
Рус географик йәмғиәтенең Башҡортостан төбәк бүлегенең был проекты туризмды үҫтереүгә, крайҙы өйрәнеүгә булышлыҡ итәсәк. Көньяҡ стела – Ейәнсурала, Ҡужанаҡ ауылы янында, көнсығыштағыһы – Учалы районының Устиново тимер юл станцияһында, көнбайыштағыһы Баҡалы районының Ивановка ауылы эргәһендә ҡуйыласаҡ.