13.10.2017 Ике йондоҙ балҡышы

Бөгөн Башҡортостандың, Татарстандың, Рәсәйҙең халыҡ артисы, Салауат Юлаев исемендәге дәүләт премияһы лауреаты Нурия Ирсаеваның тыуған көнө - матур юбилейы. Ул үҙенең 75 йәшен билдәләй.

Ә кисә Нурия Исхаҡ ҡыҙының коллегаһы, Рәсәйҙең, Башҡортостандың һәм Татарстандың халыҡ артисы, Салауат Юлаев исемендәге Дәүләт премияһы лауреаты Фидан Ғафаров та күркәм ғүмер байрамын - 70 йәшен ҡаршыланы.

Ике йондоҙ бына инде нисәмә йыл бер-береһенең янында емелдәшә. Ике артистың ижади дуэттары, башҡарған йырҙары халҡыбыҙҙың рухи хазинаһы булып тора.