20.01.2017 Уңыштар һиңә, Рөстәм!

Өфөлә следж-хоккей буйынса халыҡ-ара ярыштар тамамланды, Континеттар Кубогын Мәскәү өлкәһенең "Феникс"ы яуланы. Еңеүсе команда составында Башҡортостанда тыуып үҫкән 24 йәшлек Рөстәм Нәбиев та бар. Яҡташыбыҙҙы тәүге етди еңеүе менән ҡотлайбыҙ! 2014 йылда Омск фажиғәһендә ғәрипләнһә лә, егет үҙе өҫтөндә эшләп, бик яҡшы һөҙөмтәләргә иреште. Әле Рөстәм 1 мартта Сочиҙа үтәсәк рәсәй чемпионатында ҡатнашырға йыйына. Уңыштар һиңә, Рөстәм!