13.12.2016 Өфө исеме самолетҡа ҡушылды

"Россия" авиакомпанияһы үҙенең Airbus A319 самолетына "Өфө" исемен бирҙе. Кисә, 12 декабрҙа баш ҡалабыҙ исемен йөрөткән лайнер "Өфө" аэропортына Санкт-Петербургтан осоп килде.

Был авиакомпанияның башҡа самолеттары ла илебеҙ ҡалалары исемен йөрөтә. Улар - «Москва», «Владивосток», «Волгоград», «Грозный», «Екатеринбург», «Ижевск», «Казань», «Магадан», «Мурманск», «Нижний Новгород», «Новосибирск», «Оренбург», «Пенза», «Пермь», «Петропавловск-Камчатский», «Ростов-на-Дону», «Рязань», «Смоленск», «Сочи», «Хабаровск», «Челябинск» һәм «Южно-Сахалинск». Лайнерҙарға ҡала исемдәрен биреү «Санкт-Петербург»тан башланған.

"Уфа" самолетына 128 кеше һыя, ул Рәсәй эсендәге линияларҙа осасаҡ.