09.12.2016 Йә, кем өй бейеклеҡ Ҡар бабайын әүәләр икән?

Ҡыш етте, ҡар ҙа етерлек яуҙы. Быйыл да хәйбуллалар оло Ҡар бабай яһап бар Рәсәйгә билдәле булырмы икән? Бына уларға өлгө итеп архив фотоһын бирәбеҙ.

Иҫегеҙгә төшөрәбеҙ, Хәйбулла районының Вәлит ауылында Рәхмәтуллиндар ғаиләһе былтыр уҡ оло Ҡар бабай яһап ҡуйғайны. Уны ноябрь айында уҡ ҡорғандар: ҡар әүәләп, трактор менән күтәреп ултыртҡандар. Бабайҙы төндә лампочкалар яҡтырта.
Ҡар һынының бейеклеге өс метрҙан аша.