14.11.2016 Донъялағы иң ҡиммәтле һәм иң һирәк осраған бесәй Алтайҙа йәшәй

Барнаул ҡалаһынан Ирина Домбровская исемле ханымдың Каталее Джиневре ҡушаматлы каракет тоҡомло бесәйенең хаҡы бер миллион һум тора икән. Ҡырағай каракал һәм ябай Себер бесәйен ҡушыу һөҙөмтәһендә барлыҡҡа килгән был хайуан донъяла ни бары 25 кенә иҫәпләнә. Уларҙы Красноярск ҡалаһындағы питомникта сығарғандар.

Каталее Джиневреға әле туғыҙ ай, ауырлығы ла туғыҙ килограмм. Хужабикә каракетты алыу өсөн автомобилен һатҡан булған. Экзотик бесәй эт ҙурлығында, тауыҡ башын һәм йорт ҡуяны, тауыҡ, бүҙәнә итен генә ашай.