14.11.2016 Картуф ҡоймағы
Картуф, йомортҡа, йәшел үлән, һарымһаҡ, ветчина йәки ҡаҙы кәрәк. Картуфты эре ҡырғыс аша ҡырығыҙ, туҡылған йомортҡа ҡушығыҙ, аҙ ғына йәшел үлән, һарымһаҡ һалығыҙ ҙа тәменә ҡарап тоҙ һибегеҙ, шунан яҡшылап бутағыҙ. Теләһәгеҙ, ветчина йәки ҡаҙы ла өҫтәгеҙ. Килеп сыҡҡан масса бик һыулы булһа, бер аҙын түгергә лә мөмкин. Был массаны майлы, ҡыҙыу табаға ҡалаҡ менән һалып бешерегеҙ.