13.08.2016 Ура! Өфө спортсылары Рәсәйгә Рио Олимпиадаһында "алтын" яуланы!

Яҡташтарыбыҙ Тимур Сафин, Артур Әхмәтхужин һәм йыйылма команда ағзаһы Алексей Черемисинов рапира ҡылыстарында фехтование буйынса команда турнирында алтын миҙалға лайыҡ булды.
Беҙҙең спортсылар тәүҙә АҠШ командаһын ҡыйратты - уларға "бронза" тәтене. Аҙаҡтан рәсәйҙәр француздар менән алышып, уларҙы 45:41 иҫәбе менән еңде.