22.06.2016 Виктор Цой. Тормош юлына тасуирлама. "45" магнит альбомы. (Цой һәм "Йәшлек")

Кисә, 21 июндә совет рок-музыканты, йырҙар авторы, композитор, "КИНО" төркөмө етәксеһе һәм йырсыһы Виктор Цойҙың тыуыуына 54 йыл тулды.

- Виктор Робертович Цой 1962 йылдың 21 июнендә Ленинград ҡалаһында, инженер һәм физкультура уҡытыусыһы ғаиләһендә тыуған. Ғаиләлә берҙән-бер бала булған;
- Викторҙың бала саҡтан уҡ һүрәт төшөрөүгә әүәҫлеге асыҡланған. 15 йәштә ул сәнғәт мәктәбен тамамлай. "Битлз" төркөмө йырҙарына ғашиҡ егет дуҫы Максим Пашков менән "Палата № 6" төркөмөн барлыҡҡа килтерә, бас гитараһында сығыш яһай;
- Цой В.Серов исемендәге сәнғәт училищеһында уҡый башлай. Ләкин унан ҡыуыла, СГПТУ-61-ҙә "ағасты һырлаусы" һөнәрен ала;
- Йырсының кумирҙары тәүҙә Михаил Боярский, аҙаҡ Владимир Высоцкий булған. Аҙаҡ Виктор көнсығыш алыштары оҫтаһы Брюс Лины үҙ итә, уға оҡшарға тырыша, каратэ, кунгфу менән шөғөлләнә;
- 70-се йылдар аҙағында - 80 йылдар башында Виктор "Пилигримы" төркөмөндә сығыш яһаусы "Рыба" ҡушаматлы Алексей Рыбин менән дуҫлаша. Был ике шпана «Автоматические удовлетворители» төркөмөн булдыра, панк стилендә сығыш яһайҙар. Уларҙы хатта Мәскәүгә саҡыралар.
- Бер мәлде электричкала гитара уйнап, йырлап барған Викторҙы һәм уның дуҫтарын данлыҡлы БГ - ул мәлдә үк ныҡ билдәлелек яулаған Борис Гребенщиков күреп ҡала. БГ Цойҙы тыңлай - был осрашыу йәш йырсы өсөн өмөтлө киләсәктең башы була;
- 1981 йылдың йәйендә Рыба менән Цой «Гарин и Гиперболоиды» төркөмөн булдыра һәм уларҙы Ленинград рок клубы составына индерәләр. Бер аҙҙан төркөм "КИНО" исемен йөрөтә башлай;

- Бер аҙҙан Цой һәм Рыба БГ ярҙамында үҙҙәренең тәүге альбомын яҙҙыра һәм уға "45" тигән исем ҡуша. Йыйынтыҡ 45 минут дауамында яңғырай, исеме лә шунан алынған. Альбом тышлығы һәм йырҙар постҡа нығытылған.

"45" магнитоальбомы:
А яғы
1. «Время есть, а денег нет»
2. «Просто хочешь ты знать»
3. «Алюминиевые огурцы»
4. «Солнечные дни»
5. «Бездельник»
6. «Бездельник № 2»

"Б" яғы

1. «Электричка»
2. «Восьмиклассница»
3. «Мои друзья»
4. «Ситар играл»
5. «Дерево»
6. «Когда-то ты был битником»
7. «На кухне»
8. «Я — асфальт» (1996 йылда яңынан сығарылған альбомға индерелгән өҫтәмә трек)