«Йәшлек» гәзите » Яңылыҡтар таҫмаһы » Билалда ҡыйыу танкистың ҡыҙҙары менән осрашыу үтте



14.05.2016 Билалда ҡыйыу танкистың ҡыҙҙары менән осрашыу үтте

Билалда ҡыйыу танкистың ҡыҙҙары менән осрашыу үттеЯҡташыбыҙ, ҡыйыу танкист, Александр Невский ордены кавалеры Кирам Зыя улы Мәхмүтовтың Түбәнге Новгородта йәшәүсе ҡыҙҙары Ғәлимә һәм Вәлимә апайҙар менән Билал мәктәбендә осрашыу үткәрелде. Ғәлимә (Галина) Кирам ҡыҙы Өфө ҡалаһында немец теле факультетын тамамлаған, артабан Мәскәү ҡалаһында аспирантура, филология фәндәре кандидаты, доцент. Өфө авиация институтында, Башҡорт дәүләт университетында немец теленән уҡыта. Артабан Мурманск өлкәһендә, Болгарияла йәшәй. Ул оҫта тәржемәсе. 2010 йылдың 4 июнендә, Италия Президенты Джорджо Наполетано, ошо ярымутрауҙа йәшәгән сит ил кешеһенең итальян телен, мәҙәниәтен, Конституцияһын тарихын белеүе мотлаҡ, тигән ҡарар сығарғас, Ватикан һәр ҡалала түләүһеҙ уҡыу курстары асып ебәргәйне. Ғәлимә апай ҙә белемен камиллаштырыу маҡсатынан, олоғайған көнөндә итальян телен өйрәнә, курс тамамлай. Немец, итальян телдәрен белеү буйынса иң юғары сертификт ҡулында, оценкалары гел бишле. Уҡытыу менән бер рәттән, бик күп йылдар тәржемәсе булып эшләй. ВЛКСМ, КПСС өлкә комитетында, "Беҙҙең йылдар" ("Наши годы") тапшырыуында ла тәржемәсе ролен башҡара. Күренекле дәүләт һәм партия эшмәкәре, 1957-1969 йылдарҙа КПСС тың Башҡортстан өлкә комитетының беренсе секретары Зыя Нури улы Нуриев, КПСС Өлкә Комитетының беренсе секретары Миҙхәт Зәкир улы Шакировтар менән бергә эшләргә, тәржемәсе ролен башҡарырға ла тура килә. Ғәлимә апайҙың белемле, оҫта тәржемәсе икәненә һоҡланыуҙарын белдереп уны "ынйы бөртөгө" нә сағыштыралар. Хаҡлы ялда булһа ла яҡташыбыҙ өйҙә генә ятмай, тәржемәсе булып эшләй, юғары уҡыу йорто студентарына дәрестәр ҙә бирә. Икенсе ҡунағыбыҙ Вәлимә (Валя) апай Башҡорт дәүләт университетының филология факультетын тамамлай. Хеҙмәт юлын хәрби заводта корректор булып башлай, артабан техник редактор була. Аҙаҡ оҙаҡ йылдар инвалидтар предприятиеһында мастер ярҙамсыһы булып эшләп хаҡлы ялға сыға. Улар икеһе лә әлеге көндә Түбәнге Новгород ҡалаһында йәшәй. Уҡыусылар Ғәлимә апайҙың һәр һүҙен йотлоғоп тыңланы. Атаһы Кирам Мәхмүтовтың һуғышта күрһәткән батырлыҡтары хаҡында ғына түгел, бөгөнгө сәйәсәткә лә ҡағылышлы һорауҙарға яуап бирҙе. Патриотик рухтағы тәрбиәүи материалдары өсөн килгән ҡунаҡтарға рәхмәт белдерҙек.

З.Ы. Оператив эшләүсе Альбина Садыҡоваға ҙәр рәхмәт!







Сайтҡa күcергәБаҫып cығарырға