18.04.2016 "Әхирәттәр" яға тергеҙә

Учалы районының Яңы Байрамғол ауылындағы "Әхирәттәр" үҙешмәкәр фольклор төркөмөнә йөрөүсе апайҙар үҙҙәренең төбәктәренә хас булған яғаны тергеҙеү эшенә тотондо. Ауылда һаҡланып ҡалған яға, элекке фотолар, башҡорт халҡының биҙәнеү әйберҙәре тураһындағы китап өлгө итеп алына.

Апайҙарҙың әйтеүенсә, улар 19 майҙа Учалы ҡалаһында үтәсәк фәнни-ғәмәли конференцияға эшләп бөтөргә тырышасаҡтар. Видеояҙманы һуңғараҡ тәҡдим итербеҙ. Тап бына шундай апайҙар халҡыбыҙҙың ҡомартҡыларын һаҡлай һәм тергеҙә! Афарин!