21.10.2019 "Ацетон менән ағыуланыу": балаға өс тәүлек буйы диагноз ҡуя алмағандар
Өфөлә йәшәүсе Елена Ремпель Республика көнөнә арналған байрамдарҙа балаһын юғалта яҙған.
Хәлһеҙ, ауыр тын алған 8 йәшлек ҡыҙы менән тәүҙә 17-се ҡала дауаханаһына мөрәжәғәт итә. Әсә гемоглобинға ҡан анализы тапшырыуҙы үтенһә лә, пациентҡа ауыҙ стоматиты тигән диагноз ҡуйып ҡайтара. Тик әсә күңеле тынысланмай, ул 6-сы дауахананың тире-венерология диспансерына ла мөрәжәғәт итә. Бында кандидоз, тип ҡарар сығара табиптар.
Өс көн эсендә ирле-ҡатынлы балаһын биш дауаханаға алып барып ҡарай. Бала иҫен юғалта башлағас, улар “Тиҙ ярҙам” саҡырта. Елена, ҡыҙын республика клиник дауаханаға алып барыуҙарын инәлеп һорай.
Был һаулыҡ һаҡлау учреждениеһында реаниматолог бер-нисә секунд эсендә диабет диагнозын атай һәм реанимацияға илтергә ҡуша. Баҡһаң, диабет сире арҡаһында баланың организмы тулыһынса ацетон менән ағыуланған булған.
“Табиптар ҡан анализы алған булһа, диагнозды ваҡытында асыҡлар ине. Шәкәр кимәлен тикшереүе оҙаҡмы ни, ул бер-нисә секунд эсендә әҙер була! Ә беҙ бер түгел биш дауаханала булдыҡ!” – тип яҙа Елена.
Оҡшаш яңылыҡтар
