05.10.2019 Бишбүләктәр ағас ултыртҡан
Бөгөн төбәктә Республика көнөнә бағышланған бик матур сара -"Йәшел Башҡортостан" акцияһы уҙҙы.
Уға бишбүләктәр ҙә ҡушылған. Район үҙәгендә төрлө ойошма-предприятиеларҙан 400-ләп кеше өмәгә сыҡҡан.
Баштан мәҙәниәт йорто артистары концерт күрһәткән. Унан һуң өмәселәр йүкә, миләш, ҡайын һәм ҡарағай үҫентеләрен ултыртҡан.
Бындай сауаплы эш райондың 13 ауыл биләмәһендә лә үткән.
Иҫегеҙгә төшөрәбеҙ, "Йәшел Башҡортостан" акцияһы тәүгә быйыл апрель айында уҙҙы. Унда бар район-ҡалаларҙан 160 меңдән ашыу кеше ҡатнашҡан.164 тематик аллеяға нигеҙ һалынған,109 меңдән ашыу ағас-ҡыуаҡ ултыртылған.
Оҡшаш яңылыҡтар
Яңы номер
«Йәшлек» гәзитенең 44-се һанына күҙәтеү1 ноябрь, 2019 йыл
Яңылыҡтар архивы