28.03.2019 Балаң баҡсаға йөрөмәйме? Силсәүиткә хәбәр ит!
РФ Мәғариф министрлығы мәктәпкәсә белем биреүҙе ойоштороу тәртибе тураһындағы документҡа үҙгәреш индерҙе. 6 апрелдән алып, яңы ҡағиҙә буйынса, балаһын баҡсаға йөрөтөргә теләмәгән ата-әсә был хаҡта урындағы үҙидаралыҡ органына хәбәр итергә тейеш.
Шулай уҡ яңы тәртип буйынса, мәктәпкәсә белем биреү учреждениеларында:
1) балалар баҡсаһының программаһына ярашлы, ата-әсәнең йәки законлы вәкилдең ғаризаһы буйынса балаға туған телдә (Рәсәй халыҡтары телдәре һанынан) белем биреү;
2) балалар баҡсаһының программаһына һәм локаль акттарға ярашлы сит телдә белем биреү мөмкинлектәре бар.
Бынан тыш, инвалид балаларға белем биреүҙе ойоштороуҙа реалибитациялау ғына түгел, ә абилитациялау (дауалау) ҙа тейешле. Һаулыҡ мөмкинлектәре сикләнгән балаларға мәктәпкәсә учреждениела шарттар булдырыуҙы психологик-медик-педагогик комиссия билдәләйәсәк.
Оҡшаш яңылыҡтар
