28.02.2019 Башҡортостандың 100 йыллығына журналистар ярышасаҡ
БР Матбуғат һәм киң мәғлүмәт саралары агентлығы һәм Башҡортостан Журналистар союзы Башҡортостан Республикаһының барлыҡҡа килеүенә 100 йыл тулыуға конкурс иғлан итте.
Унда республика, ҡала-район гәзит-журналдары, электрон баҫмалар ҡатнаша ала. Төрлө жанрлы эштәр – мәҡәлә, репортаж, интервью, очерк ҡабул ителә. Улар Башҡортостанда йәшәгән халыҡтар телендә булыуы шарт. 2019 йылдың 1 ғинуарынан 1 декабренә тиклем донъя күрергә тейеш. Һаны сикләнмәгән.
Конкурс положениеһы БР Матбуғат һәм киң мәғлүмәт саралары агентлығы һәм Башҡортостан Журналистар союзы сайттарында донъя күргән Эштәр 2019 йылдың 10 декабренә тиклем ошо адрес буйынса ҡабул ителә: 450077, Өфө ҡалаһы, Киров урамы, 45, 420 кабинеты, баҫма мәғлүмәт саралары бүлеге (телефоны 8(347)218-07-72).
Оҡшаш яңылыҡтар
